لو أشتريتي أساس وطلع غامق أو فاتح عليكي مترميهوش طبعاً .. تعالي
أنا بسمع بنات كتير هنا تقول أنا أشتريت فاوندويشن وغالي وطلع فاتح أوي عليا أو غامق أوي عليا
وطبعاً بتكون دافعة فيه أد كده ومستخسرة ترميه ومش عارفة تعمل بيه أيه
انا باغلي
ببساطة هتستخدميه كونتور أو هايلايت احلى ابتسامة
لو كان غامق استخدميه كونتور ..
• يعني أيه كونتور Contour
هيا أماكن الظل في الوش اللي هيا الأماكن الغامقة أو المنخفضة
• والهايلايت Highlight
ده بيظهر الأماكن المضيئة أو البارزة في الوش
والطريقة دي بتحدد الوش وبتخلي شكله أجمل
وكمان تقدري تعالجي بيها كبر أو صغر بعض المناطق
زي الأنف أو الجبهة
وتحددي دوران وشك
وشكل الذقن
• المهم تعرفي الأماكن اللي المفروض تكون بارزة ومضيئة والأماكن اللي المفروض تكون منخفضة أو غامقة
• وتاني حاجة لازم توزعي الكونتور والهايلايت كويس علشان وشك ميبقاش شكله ملطش
يعني عايز دمج كويس وتصبري متستعجليش
وبما إن كتير منا ممكن تجيب فاوندويشن أو كومباكت باودر وتطلع غامقة عليها أو فاتحة
تقدر تستخدمها في الغرض ده
ليست هناك تعليقات